Formashon musikal HAYLID ta lansa kansion ‘Keep You Near’ Anto mesora disponibel riba streaming.

 

 

Formashon musikal HAYLID ta lansa kansion ‘Keep You Near’

Anto mesora disponibel riba streaming.

 

Den Haag, 5 april 2024 – E luna aki e momento tan eseperá a yega kual ta lansamentu di e bunita kansion ‘Keep You Near’ di e banda di Den Haag yamá HAYLID. Un kansion ku un mensahe i alabes poko chíspa den dje den e stail musikal uniko ku HAYLID tin, kual ta un kombinashon di influenshanan di indie-pop rock & blues, enrikesé ku bos fuerte den frònt. ‘… Pa amantenan di ròk klásiko den un bachi moderno esaki ta un delisia total ..’. Asina Kyara Elyana Gorsia kantante feminino den frònt i alabes un di e fundadónan di Haylid ta kompartí kende a nase na Den Haag, pero su majornan ambos ta di Korsou.

 

Chorusline. Bini huntu, forma union, pero tambe kedando semper ku derecho pa deskontektá for di otro kualkier momento, kendando asina di ningun forma ‘near’ (serka di otro) mas, na momentu ku den lasonan i relashonan ta resultá ku e núkleo berdaderamente puro no ta eksistí. Pasobra lugá pa mentira nó tin. Ta netamente esaki tabata e inísio i e chíspa pa sénde nos publiko, ku e kansion’akí. Skibimentu letra, komposihon i lansamentu di tremendo kansion ‘Keep You Near’ a bira realidat. Asina e banda HAYLID ta splika.

 

And there was streaming. Miembronan di e banda HAYID, na drums Daniel Kerkmeester, bagista Jilles Peters, keys Nick Glasbergen, gitaristanan Rik Hoens i Oliver Ullrich anto den frònt kantante Kyara Gorsira tur tin un background i un storia musikal diferente. Pero ta netamente e miks di lokual nan tur ta ofresé a pone ku nan por a sobrebibí anto kibra bareranan den un mundu di bandanan lantando kaminda ku tin kompetensha fuerte, pero sano si. E presentashonan a kuminsa tjikitu pa despues segun e publiko ta deskrubí e banda e tarima támbe sigi krese. E kresementu ta unu saludabel i kontinuo, kual a pone ku por a tuma e paso padilanti pa bai subi plataformanan elektróniko. E soño di sali ku un propio kansion anto riba streaming a bira realidat. Den e konosido ‘Zwarte Ruiter’ na Grote Markt den kurason di Den Haag resientemente e lansamentu di ‘Keep You Near’ a tuma lugá. Banda di musika i letranan di HAYLID, e pashon i energía di e banda ta dòrna nan produkshon. Fanatikonan desde awor por disfrutá riba Spotify i (otro formanan di) plataformanan di streaming.

 

E kansion ‘Keep You Near’ a wordu grabá den studio konosí komo ‘Volver Studio’ na Tilburg. Esaki den koperashon i kolaborashon estrecho ku produktornan Crip Theeuwes, S.E. Victor i Mike Nuiten.

 

HAYLID ta rekomendá i enkurashá amantenan di muzik pa skucha i disfrutá di ‘Keep You Near’ riba Spotify mediante e link https://open.spotify.com/track/5QtMjEq9okl6BMj46rUrFz?si=dbf07501d5c14d6d anto naturalmente sigui desaroyo di e banda HAYLID riba social media: Facebook: HAYLID Facebook i tambe Instagram: HAYLID Instagram

 

Pa informashon adishonal, entrevista, petishonan pa un presentashon por tuma kontakto libramente ku e banda HAYLID via di Kyara Gorsira, E-mail: haylid.contact@gmail.com Telefòn: +31 6 27 61 33 93