22 studiante a eksperensiá industria di Turismo Durante ‘vakantiejob’
22 studiante a eksperensiá industria di Turismo
Durante ‘vakantiejob’
WILLEMSTAD – 6 di ougùstùs 2024 – Resientemente un total di 22 studiante a risibí nan sertifikado di partisipashon na e promé edishon di Youth Tourism Experience (YTE) Program organisá pa Ofisina di Turismo di Kòrsou (CTB) den estrecho koperashon ku 12 kompania den industria di turismo. Meta di e programa YTE ta pa laga hóbennan entre 15 i 17 aña di edat familiarisá nan mes ku e industria kresiente di turismo i hospitalidat. Durante e promé edishon di YTE e hóbennan a haña e oportunidat pa eksperensiá kon ta pa traha den e industria di turismo i hospitalidat durante un ‘vakantiejob’ di 3 siman. E programa a keda klousurá ku un seremonia ameno kaminda Minister di Desaroyo Ekonómiko, sr. Ruisandro Cijntje i Counterpart Director di CTB, sr. Muryad de Bruin, a hasi entrega di sertifikado na e 22 hóbennan.
E programa di e promé edishon di YTE a kore di 26 di yüni pa 6 di ougùstùs i a konsistí di primeramente un ‘Meet & Greet’ tour kaminda e studiantenan a pasa sera konosí ku tur e kompanianan ku a forma parti di YTE. Di e manera aki e hóbennan por a hasi pregunta i siña mas di e tipo di trabou ku kada kompania ta ehersé. Ademas, e hóbennan a sigui 3 dia di workshop komo preparashon pa nan ‘vakantiejob’ den e industria di turismo i hospitalidat. Aki nan a trata e siguiente tópikonan: komunikashon i kon pa aktua di manera profeshonal, customer experience i dress code, money management, discipline i self management. Na final di e periodo di ‘vakantiejob’ e studiantenan a partisipá na un seshon di evaluashon kaminda nan por a papia di nan eksperensia, kiko a bai bon, ménos bon i kon nan ta bai sigui apliká e konosementu atkerí durante nan futuro karera eskolar i despues den trabou.
E kompanianan ku a partisipá na e promé edishon di YTE ta: Avila Beach Hotel, San Marco Hotel, Dolphin Academy, Serena’s Art Factory, Brion City Hotel, Curaçao Ports Authority, TUI, Atlantis/FBTT, Fiesta Tours, Kunuku Aqua Resort, Coral Estate Luxury Resort, Curaçao Marriott Beach Resort i CTB mes. CTB ta gradisí kada kompania ku a habri nan porta pa asina huntu nos por logra pa mas hóben haña e interes pa sigui un estudio den ramo di turismo i hospitalidat pa despues eventualmente skohe pa un karera den e industria aki.
22 Students Gain Experience in the Tourism Industry
During Vacation Job
WILLEMSTAD – August 6, 2024 – Recently, a total of 22 students received their participation certificates in the first edition of the Youth Tourism Experience (YTE) Program organized by the Curaçao Tourist Board in close cooperation with 12 companies in the tourism industry. The goal of the YTE program is to familiarize young people between the ages of 15 and 17 with the growing tourism and hospitality industry. During the first edition of the YTE, the students had the opportunity to experience what it’s like to work in the tourism and hospitality industry during a 3-week vacation job. The program concluded with a pleasant ceremony where the Minister of Economic Development, Mr. Ruisandro Cijntje and the Counterpart Director of the CTB, Mr. Muryad de Bruin, presented certificates to the 22 young participants.
The first edition of the YTE program ran from June 26 to August 6 and began with a ‘Meet & Greet’ tour, during which the students got acquainted with all the companies that were part of YTE. This allowed them to ask questions and learn more about the type of work each company performs. Additionally, the students attended 3 days of workshops as preparation for their vacation job in the tourism and hospitality industry. The workshops covered the following topics: communication and professional behavior, customer experience and dress code, money management, discipline, and self-management. At the end of the vacation job, the students participated in an evaluation session where they discussed their experiences, what went well, what did not go as planned, and how they plan to apply the knowledge gained in their future student and job careers.
The companies that participated in the first edition of YTE are: Avila Beach Hotel, San Marco Hotel, Dolphin Academy, Serena’s Art Factory, Brion City Hotel, Curaçao Ports Authority, TUI, Atlantis/FBTT, Fiesta Tours, Kunuku Aqua Resort, Coral Estate Luxury Resort, Curaçao Marriott Beach Resort, and CTB. CTB expresses gratitude to each company that opened their doors so that together we can inspire more students to pursue studies in the field of tourism and hospitality and eventually choose a career in this industry.
