KUERPO POLISIAL KÒRSOU 

 

KOMUNIKADO DI PRENSA

349/2025

15 sèptèmber 2025 

Kaso di tiramentu ku morto 

Djaluna 15 di sèptèmber 2025 alrededor di 00.23’or, Sentral di polis a dirigí  unidatnan na altura di pòmp di gasolin na Brievengat, pa un kaso di tiramentu. For di investigashon preliminar a sali na kla, ku un hòmber a kore yega na  altura di un café riba Kaya Charles Maduro. 

Djis un ratu despues un otro vehíkulo tambe a kore yega. Un hòmber a baha  for di e último vehíkulo aki i kuminsá tira dirigí riba e otro outo. 

Mesora e outo den kua e víktima tabata a kore bai for di e sitio, pero no  muchu leu for di e sitio, el a dal violentamente kontra muraya di e pòmp di  gasolin. 

E hòmber víktima tabatin diferente herida na e parti ariba di su kurpa i a  fayesé na e sitio mes. 

Dòkter di polis a konstatá morto i su vehíkulo ku a keda yen di perforashon di  bala, a wòrdu konfiská pa mas investigashon. 

Na e sitio tambe a konfiská un kantidat di kashi di bala. 

Te na e momentunan aki, no por suministrá identidat di e víktima. 

Investigashon den e kaso aki ta kontinuá.