Minister interino di Enseñansa, Siensia, Kultura i Deporte sra. Charetti America-Francisca, tabata presente den sala di Parlamento pa un enkuentro relashoná ku un “Ora di Pregunta”.

Djaweps 16 di òktober 2025, Minister interino di Enseñansa, Siensia, Kultura i Deporte sra. Charetti America-Francisca, tabata presente den sala di Parlamento pa un enkuentro relashoná ku un “Ora di Pregunta”. Minister America-Francisca a kontestá preguntanan relashoná ku e tópiko “Seguridat na skolnan’, riba petishon di miembro di Parlamento sr. Gilbert Doran.

Komo petishonario, sr. Doran a haña 2 minüt pa reakshoná i hasi pregunta adishonal riba e kontestanan di Minister America-Francisca.

Despues mas miembro di Parlamento a hasi uso di e oportunidat di hasi pregunta, ku sra. America-Francisca a kontestá.