Na Handelskade…. Apertura ofisial Curaçao Information Center pa sirbi turista krusero i di estadia / At Handelskade… Official Opening Curaçao Information Center to Serve Cruise and Stayover Tourists
Na Handelskade….
Apertura ofisial Curaçao Information Center
pa sirbi turista krusero i di estadia
WILLEMSTAD – 11 di novèmber 2025 – Resientemente Ofisina di Turismo di Kòrsou (CTB) a hasi apertura ofisial di e Curaçao Information Center pa sirbi turista krusero i di estadia. Aki turistanan por haña informashon i rekomendashon relashoná ku atrakshonnan turístiko, akomodashon, restorant, medionan di transporte, eventonan i aktividatnan na Kòrsou. E sentro di informashon ta situá na Handelskade enfrente di e terminal di fèrinan. Komo parti di CTB su esfuersonan pa kontribuí na práktikanan sostenibel, e bali di e sentro di informashon ta trahá di plèstik resiklá i e bankinan den e sentro ta trahá di palu resiklá. Ademas komo CTB ta partner di Club 17 Curaçao, a laga inkluí e sentro di informashon riba e mapa di stashonnan kaminda un persona por yena su bòter duradero ku awa. Den e sentro tin un aparato ku mesora ta ilustrá e kantidat di bòter di plèstik ku a keda di spar ku e inisiativa aki. Apertura ofisial di Curaçao Information Center a keda hasí pa Minister di Desaroyo Ekonómiko, Roderick Middelhof i Direktor di CTB, Muryad de Bruin.
E parti pafó di e edifisio di e sentro di informashon ta inkluí un diseño vibrante di artista lokal Deidre Polonius. Kada diseño kolorido ta reflehá algu spesial di Kòrsou. E edifisionan íkono, Kòrsou su playanan outéntiko, bida bou di laman, historia, herensia, naturalesa i elementonan kultural. E sentro di informashon a habri su porta no ofisial na luna di yüni último i ya kaba a sirbi diferente turista ku a drenta pa risibí informashon. Banda di e sentro di informashon a habri tambe un ofisina di Politur, pa asina sòru pa seguridat den área di sentro di siudat. Tambe H2 Care Medical Service Curaçao tei den e ofisina di Politur pa duna asistensia médiko.
CTB ta gradisí tur ku a aportá na realisashon di e Curaçao Information Center. E sentro ta habrí di djaluna pa djasabra di 9or di mainta pa 6or atardi. Durante e temporada haltu di turismo krusero, dianan di fiesta i eventonan spesial tambe e sentro lo ta habrí pa duna e servisio ku ta keda rekerí.
At Handelskade…
Official Opening Curaçao Information Center to
Serve Cruise and Stayover Tourists
WILLEMSTAD – November 11, 2025 – Recently, the Curaçao Tourist Board (CTB) held the official opening of the Curaçao Information Center to serve cruise and stayover tourists. Here, visitors can find information and recommendations related to tourist attractions, accommodations, restaurants, transportation options, events, and activities in Curaçao.
The Curaçao Information Center is located at Handelskade, across from the ferry terminal. As part of CTB’s efforts to promote sustainable practices, the counter of the information center is made from recycled plastic, and the benches inside are made from recycled wood. In addition, since CTB is a partner of Club 17 Curaçao, the information center has been included on the map of refill stations where people can fill their reusable water bottles as part of the Water Refill Program Curaçao. Inside the center, there is also a display that illustrates the number of plastic bottles saved through this initiative. The official opening of the Curaçao Information Center was conducted by Minister of Economic Development, Roderick Middelhof and CTB Managing Director, Muryad de Bruin.
The outside of the building of the information center features a vibrant artwork designed by local artist Deidre Polonius. Each detail illustrated, reflects something special about Curaçao: the iconic vibrant buildings, the authentic beaches, marine life, history, heritage, nature, and cultural elements. The information center unofficially opened its doors last June and already served various tourists seeking information. Next to the information center, an Politur office has also opened to help ensure safety in the downtown area. The Politur office also houses the H2 Care Medical Service Curaçao unit to provide medical assistance.
CTB extends its gratitude to everyone who contributed to the realization of the Curaçao Information Center. The information center is open from Monday to Saturday, from 9:00 AM to 6:00 PM. During the high cruise tourism season, as well as on holidays and during special events, the center will also remain open to provide services as needed.
