TUR KOS TA KLA PA INSKRIPSHON PA FESTIVAL DI TUMBA 2026 KU DIFERENTE AKTIVIDAT ATRAKTIVO

TUR KOS TA KLA PA INSKRIPSHON PA FESTIVAL DI TUMBA 2026 KU
DIFERENTE AKTIVIDAT ATRAKTIVO

WILLEMSTAD- Djadumingu awor 18 di yanüari 2026 ta dia di inskripshon
di tumba. Un dia sumamente interesante i importante kaminda aparte di e
inskripshon komposistor, kantante, areglista i bandanan ta risibí
promoshonnan grátis na e medionan di komunikashon ku ta presente. Un
dia estilo ban topa kaminda tur ku tei ta pasa un ratu ameno. E inskripshon
ta kuminsá 16.00 or i esaki ta dura te 19.00 or di di anochi. Tuma nota ku
19.00 or en punto e inskripshon ta sera. E aña aki despues di e éksito di
aña pasa e inskripshon un biaha mas ta tuma luga den Curaçao Festival
Center na Plaza Errol Toro Colina. Pa 20.00 or enpunto lo tin e sorteo pa
saka e dianan di presentashon di e agrupashonnan musikal, i despues di e
sorteo ta sigui ambiente ku un agrupashon musikal pa tur esnan ku ta den
Curaçao Festival Center por sosialisá i disfrutá i kuminsá kalentá e kurpa
pa e festival ku ta start djaluna 26 di yanüari 2026.