Kòrsou su mihó sitionan pa sambuyá presentá durante boot Düsseldorf 2026 / Curaçao Showcases Best Diving Sites at boot Düsseldorf 2026
Kòrsou su mihó sitionan pa sambuyá presentá durante boot Düsseldorf 2026
Tambe a promov’é e partido entre Alemania i Kòrsou
WILLEMSTAD – 29 di yanüari 2026 – Resientemente Ofisina di Turismo di Kòrsou (CTB) huntu ku 6 partner di sektor privá a partisipá na e feria di buseo internashonal, boot Düsseldorf 2026. Ta trata aki di e feria internashonal di deportenan akuátiko di mas grandi, ku ta tuma lugá anualmente na Alemania. Meta di Kòrsou su partisipashon tabata pa presentá nos isla komo e destinashon ku e mihó sitionan pa sambuyá. Durante di e feria e tim di Kòrsou a duna entrevistanan riba Dive stage i 3 presentashon riba e Destination Seaside Stage. Tema di e presentashonnan tabata, ‘Konosé bo oponente’, di un manera dibertido i interaktivo a hasi komparashon entre Kòrsou i Alemania ku bista riba Kopa Mundial di FIFA 2026.
Ademas, Kòrsou a finalisá den tòp 3 di e Dive Award den e kategoria ‘Mihó destinashon’, lokual ta sigui reforsá Kòrsou su posishon internashonal komo un destinashon lider den sitionan pa sambuyá. Boot Düsseldorf 2026 a konta ku partisipashon di 68 destinashon ku a bin presentá nan produkto turístiko i riba 200 mil bishitante for di 110 pais. Ademas, 1810 zjurnalista i personanan ku ta produsí kontenido digital for di 49 pais a duna reportahe di e feria via nan media òf kanal di televishon. E tim di Kòrsou tabatin un stènt den e Diving hall kaminda bishitantenan di e feria por a pasa pa tuma informashon di Kòrsou su sitionan di mas popular pa sambuyá. Banda di presentá Kòrsou komo un destinashon ideal pa sambuyá, e tim a sòru tambe pa laga e bishitantenan sinti e alegria ku klasifikashon di Kòrsou pa Mundial 2026 a trese pa Kòrsou i a promov’é tambe e partido entre Alemania i Kòrsou dia 14 di yüni próksimo.
CTB ta gradisí partnernan di sektor privá ku e aña aki a forma parti di e tim di Kòrsou durante Boot Düsseldorf 2026: Sun Reef Village on Sea, Rancho El Sobrino, Dive Division, Curaçao Divers, Central Dive Curaçao i Scuba Lodge.
Curaçao Showcases Best Diving Sites at boot Düsseldorf 2026
Match between Germany and Curaçao also Promoted
WILLEMSTAD – January 29, 2026 – Recently, Curaçao Tourist Board, together with six partners from the private sector, participated in the international diving fair boot Düsseldorf 2026. Recognized as the world’s largest international water sports exhibition, the event is held annually in Germany and attracts thousands of visitors from across the globe. The main objective of Curaçao’s participation was to position the island as a premier diving destination, highlighting its world-class diving sites. During the fair, the Curaçao team conducted several interviews on the Dive Stage and delivered three presentations on the Destination Seaside Stage. These presentations, themed, “Know Your Opponent” creatively compared Curaçao and Germany in the context of the 2026 FIFA World Cup, offering an engaging and entertaining experience for attendees.
In addition, Curaçao achieved a Top 3 ranking in the Dive Awards within the category “Best Destination”, further reinforcing its international reputation as a leading diving location. Boot Düsseldorf 2026 featured 68 destinations showcasing their tourism products and welcomed more than 200.000 visitors from 110 countries. The event also received extensive media coverage, with 1,810 journalists and content creators from 49 countries reporting through various media outlets and television channels.
The Curaçao team hosted a stand in the Diving Hall, where visitors were able to receive information about the island’s most popular diving sites. Besides promoting Curaçao as an ideal diving destination, the team also shared the excitement surrounding the island’s qualification for the 2026 FIFA World Cup. Visitors were additionally invited to support the upcoming match between Germany and Curaçao, scheduled for June 14.
CTB extends its sincere appreciation to the private sector partners who formed part of the Curaçao team during boot Düsseldorf 2026: Sun Reef Village on Sea, Rancho El Sobrino, Dive Division, Curaçao Divers, Central Dive Curaçao and Scuba Lodge.
