Werkgroep Integriteit Justitie (WIJ) a tene su reunion mensual, kaminda a trata diferente topiko relashoná ku Integridat.
Werkgroep Integriteit Justitie (WIJ) a tene su reunion mensual, kaminda a trata diferente topiko relashoná ku Integridat.
Entre otro, a papia tokante konferensianan internashonal riba Integridat na kua miembronan di WIJ lo por inskribí i partisipá, ku meta di engrandesé nan konosementu i apliká esaki den nos sistema hudisial.
Ademas, e grupo a risibí un presentashon kòrtiku di Sra.Sharon Lieuw Sjong di e organisashon “Pichiri”, ku ta duna entrenamentu di “Sabí ku Sèn” na nos aspirantenan.
Durante su presentashon, Sra.Lieuw Sjong a presentá e diferente paketenan nobo di entrenamentu ku Pichiri tin di ofresé, banda di nan pakete basiko.
Alfabetisashon finansiero ta di gran importansia den e konteksto di integridat.
Ora un persona tin bon konosementu riba maneho di sèn i kon pa dil ku debe, e ta ménos vulnerabel pa preshon finansiero òf situashonnan ku por pone su integridat na riesgo.
Pa esei, un bon fundeshi finansiero ta kontribuí direktamente na fortalesé integridat personal i profeshonal.
Abase di e kontenido di kada pakete di Pichiri, WIJ lo evaluá kua ta mas adekuá pa nan meta i ki benefisio e lo tin tantu pa WIJ komo pa aspirantenan di ORV i demas organisashonnan hudisial, pa asina por tuma un desishon responsabel tokante un entrenamentu mas profundo riba maneho di sèn i responsabilidat finansiero.
Na nòmber di WIJ, nos ta yama un danki speshal na Sra.Sharon Lieuw Sjong pa su presentashon i kontribushon balioso.
639114718427035"
639114718427035"