Minister Arthur Dowers A ricibi un bishita special di hoben atleta Bryden Kock, di apenas 6 aña, studiante di Holmes Jiujitsu School bou di coach Nicolas.

Minister Arthur Dowers

A ricibi un bishita special di hoben atleta Bryden Kock, di apenas 6 aña, studiante di Holmes Jiujitsu School bou di coach Nicolas.
Bryden ya a logra resultado impresionante internacionalmente den Brazilian Jiujitsu (BJJ). Durante competencia di NAGA (North American Grappling Association) na New York, el a gana dos medaya di plata den dos division: Gi y No-Gi. Na Orlando, el a logra un medaya di bronze.
A felicita Bryden pa su disciplina, dedicacion y representacion orguyoso di Aruba riba escenario internacional. Bryden su siguiente competencia lo ta Medellin Pro 7 riba 13 di juni, evento cu tambe lo por sigui via livestream. Riba 23 di augustus, Bryden lo participa na Las Vegas den UFC BJJ, e prome evento oficial di UFC habri specificamente pa Brazilian Jiujitsu.
Gobierno di Aruba ta desea Bryden hopi exito den su futuro competencianan y ta orguyoso di mira talento hoben Rubiano sigui sobresali internacionalmente.