Delegashonnan parlamentario di Kòrsou, Aruba i Sint Maarten ta presentá Resolushon relashoná ku e posishon di Reino Hulandes durante votashon riba resolushon di Nashonnan Uní, ku ta rekonosé sklabitut komo un krimen kontra di humanidat.
Delegashonnan parlamentario di Kòrsou, Aruba i Sint Maarten ta presentá Resolushon relashoná ku e posishon di Reino Hulandes durante votashon riba resolushon di Nashonnan Uní, ku ta rekonosé sklabitut komo un krimen kontra di humanidat.
Den Haag, djabièrnè 5 di yüni 2026, Ayera (4 di yüni 2026), delegashonnan di Parlamento di Kòrsou, Aruba i Sint Maarten a yega na un Resolushon konhunto. Den e resolushon aki e tres delegashonan ta ekspresá nan desakuerdo, ku Reino Hulandes a abstené di vota na mart último riba un resolushon di Nashonnan Uní, ku ta rekonosé sklabitut komo un krimen kontra di humanidat.
E delegashonnan ta lamentá ku Reino Hulandes ta tumá su posishon tokante e tópiko aki, sin konsulta previo ku e tres paisnan den Reino. Esaki, apesar di e importansia históriko, sosial i moral direkto ku esaki tin pa nan. Pa e motibu aki, e resolushon ta enfatisá ku e fálta di konsulta aki ta bolbe demostrá un ‘defisit demokrátiko’ struktural den Reino, spesialmente den asuntonan eksterior ku ta afektá e paisnan Karibense direktamente.
Durante e Konsulta Interparlamentario di Reino (IPKO) na Den Haag, e tres delegashonnan, pa medio di nan Presidentenan di Parlamento, sr. Alfred Sneek (Aruba), sr. Fergino Brownbill (Kòrsou) i sra. Sarah Wescot-Williams (Sint Maarten), a presentá e resolushon aki na e delegashon di Staten-Generaal di Hulanda (Eerste i Tweede Kamer)
