KUERPO POLISIAL KÒRSOU 

KOMUNIKADO DI PRENSA

231/2026

21 yüli 2026 

Dos detenshon pa poseshon ilegal di arma di kandela i konfiskashon 

Djamars 21 di yüli 2026 alrededor di 13.31’or, un unidat polisial ku tabata den Kaya  Ambishon, a tuma nota di un vehíkulo den kua tabatin dos okupante ku tabata aktuá  di un forma sospechoso. 

Polis a duna shofùr di e vehikulo òrdu pa para, pero el a ninga esaki.  

Konsekuentemente e unidat a inisiá un persiguishon. 

Durante di e persiguishon riba di Sta. Rosaweg e vehíkulo a aksidentá. 

Un di e sospechosonan a hui na pia, mientras ku e otro a keda detene na e sitio. Den e outo polis a enkontrá un arma outomátiko ku a keda konfiská. 

Polis a start un persiguishon na pia tras di e sospechoso ku a hui i a hañ’é obligá na  lòs un tiru riba e sospechoso, ku a alkans’é. 

Durante di investigashon mas despues den e área, polis a topa un pistol di kaliber  haltu ku probablemente durante di e persiguishon, e sospechosonan a benta fo’i  outo. Esaki tambe a keda konfiská. 

Despues a tene entrada hudisial na Kaya Aurora i Kaya Sparta, kaminda a konfiská artíkulonan importante pa e investigashon. 

E duo detené, ta trata di e hòmbernan A.R. di 22 aña di edat i I.F. di 26aña di edat  ámbos nasé na Kòrsou. 

A presentá nan dilanti di un fiskal ouksiliar, ku a ordená nan enkarselamentu  pendiente di mas investigashon.