KUERPO POLISIAL KÒRSOU 

KOMUNIKADO DI PRENSA

380/2026

29 òktober 2026 

Aksidente di tráfiko ku morto 

Djaweps 29 di òktober 2026 alrededor di 07.36’or, Sentral di Polis a risibí informashon di un aksidente grave di tráfiko ku a tuma lugá riba  

Schottegatweg-Noord na altura di warda di polis na Rio Canario. E promé unidat ku a yega na e sitio a topa un hòmber drumi riba kaya ku ya  no tabata duna señal di bida, i un vehíkulo. 

For di investigashon preliminar a sali na kla ku e outo ku tabata kore riba  Schottegatweg-Noord den direkshon di Post 5, pa motibu ku te ainda ta  den investigashon, a alkansá e hòmber ku tabata na pia. 

E víktima a sufri sla serio na kabes i otro partinan di su kurpa. 

Dòkter di polis ku a presentá na e sitio, a konstatá morto di e hòmber. Personal di Departamentu di Tráfiko ta kontinuá ku e investigashon.