Detenshon relashoná ku violashon di lei di arma di kandela
KUERPO POLISIAL KÒRSOU
KOMUNIKADO DI PRENSA
379/2026
29 òktober 2026
Detenshon relashoná ku violashon di lei di arma di kandela
Djarason 28 di òktober 2026 alrededor di 21.55’or, dos unidat polisial enkargá ku akshon tabata patruya den Tumbastraat, na momentu ku nan a tuma nota di algun hòmber sintá na un minimarket.
Ta konosí pa polis ku na e sitio ei, sa tin uso di droga i presensia di arma. Na momentu ku e hòmbernan a nota presensia polisial, unu di nan ku tabatin un tas huntu kuné, a kuminsá hui for di e sitio.
Na momentu ku polis a dun’é òrdu pa para, el a kuminsá kore. A start un persiguishon kòrtiku na pia i e agentenan a logra par’é.
Durante di investigashon den e tas, polis a haña un arma di kandela i un supstansia paresido na hash.
A konfiská e arma i e droga i a detené na e sitio, e hòmber S.I.F. di 26 aña di edat nasé na Kòrsou.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.
