Gobièrnu ta tuma pasonan importante pa un maneho sostenibel di Klein Kòrsou
Gobièrnu ta tuma pasonan importante pa un maneho sostenibel di Klein Kòrsou
Willemstad, – Klein Kòrsou ta un lugá spesial, konosí pa su bunita playanan, su naturalesa impreshonante i su gran balor históriko. Pa garantisá ku generashonnan futuro tambe por sigui disfrutá di e isla úniko aki, GobiernoGobièrnu di Kòrsou ta traha riba un maneho sostenibel di Klein Kòrsou, ku ta tene kuenta ku futuro.
E meta ta pa protehá e balornan natural, kultural i históriko di Klein Kòrsou, i na mes momento duna espasio na turismo responsabel i aktividatnan ekonómiko lokal, ku rèspèt pa e naturalesa frágil di e isla.
Di investigashon pa ehékushonehekushon konkreto
Na 2025, ku sosten finansiero di Union Europeo a traves di e programa Resilience, Sustainable Energy and Marine Biodiversity (RESEMBID), a realisá i finalisá diferente investigashon preparatorio. E investigashonnan aki a resultá den raportnanrapòrtnan importante ku ta forma e base pa e Plan di Desaroyo di Klein Kòrsou (Development Plan Klein Curaçao).
Awor, gobièrnu ke tuma e siguiente paso: pasa di investigashon i preparashon di maneho pa un akshon konkreto dirigí riba maneho sostenibel.
Pa dirigí e proseso aki di un manera adekuá, a instalá un grupo di trabou interministerial. E grupo tin komo tarea pa realisashon di un struktura di maneho sostenibel pa Klein Kòrsou. Pa esaki, lo sigui traha riba e resultadonan i rekomendashonnan di e investigashonnan ku a realisá anteriormente.
Traha huntu pa un Klein Kòrsou prepará pa futuro
Pa sostené e grupo di trabou, a kontratá un eksperto eksterno. E eksperto aki ta yuda traha un Plan di Akshon práktiko i realisabel, ku ta deskribí kon por yega na un struktura di maneho sostenibel pa Klein Kòrsou.
Den e simannan ku ta bini, lo tin kombersashonnan ku diferente instansia gubernamental i partidonan di interes. Nan konosementu, eksperensia i ideanan ta di gran importansia pa yega na un plan ku ta realista i realisabel, i ku tambe ta konta ku amplio sosten.
Protehá, disfrutá i desaroyá ku responsabilidat
Ku e manera di traha aki, gobièrnu ta buska un balansa sano entre protekshon di naturalesa, konservashon di herensia kultural i históriko, aktividatnan turístiko i desaroyo ekonómiko lokal.
Klein Kòrsou ta mas ku solamente un destino turístiko popular. E ta un parti balioso di e herensia natural i históriko di Kòrsou, ku ta meresé un maneho ku kuido i un responsabilidat kompartí.
Pa medio di kooperashon, partisipashon i un vishon kla pa futuro, gobièrnu ke garantisá ku Klein Kòrsou ta konservá su karakter úniko i ta keda un lugá spesial tambe pa generashonnan futuro.
