Gobièrnu di Kòrsou ta felisitá tur trahadó ku selebrashon di dia di obrero mañán dia 1 di mei.

Posted by

Gobièrnu di Kòrsou ta felisitá tur trahadó ku selebrashon di dia di obrero mañán dia 1 di mei.

Willemstad – Mayan 1 di mei nos ta selebrá Dia di Obrero akí na Kòrsou.
E dia aki tin su raís den e movimientu sindikal mundial for di siglo 19 i den alrededor di 80 pais rònt mundu ta
selebrá un dia di obrero demonstrando solidaridat ku trahadornan lokal, pero tambe rònt mundu.
Riba 1 di mei 2018 na Kòrsou nos ta duna honor na tur trahadó, no ta importá den kua sektor i tambe ta
konmemorá tur baluarte ku a lucha, i kontribuí pa mehorá kondishonnan di trabou. Honor tambe na tur esnan ku
a traha riba i ratifiká e leinan laboral i sosial pa protegá trahadornan i duna balor na sindikatonan i sindikalismo.
Pues Dia di Obrero tin su raís den e movemientu sindikal ku a lucha pa trabou desente ku ta inserá 8 ora di
trabou, 8 ora di rekreashon i ocho ora di sosiegu.
Aspektonan relashoná ku trabou ta un reto grandi akí na Kòrsou. Segun datos ofisial di 2017 di Ofisina di
Estadistika di Kòrsou e tasa di desempleo bou di hóben di entre 18 aña i 24 aña tabata 32.8%. Bou di adulto
hòmber i muhé e tasa di desempleo tabata 14.1%.
Den e delaster aña i lunanan hopi siudadano a pèrdè nan trabou pa motibu di kompaníanan ku a sera. E
situashon ekonómiko di nos país, pero en espesialmente kambionan den mundu di trabou, e asina yamá
“changing world of work” ku ta hasi sierto trabounan obsoleto, ta un motibu pa esaki, pero tin hopi mas.
E kambionan ta eksigui ku nos ta kuminsá pone más i más emfasís riba e futuro di trabou na Kòrsou.
Pa trese kambio den e sifranan di e tasa di desempleo i pa baha esaki bou de hóben na por ehemplo 10% i adulto
na por ehemplo 7%, kresementu ekonómiko di alrededor di 3.5% ta krusial. Más kupo di trabou nobo habrí, más
hóben i adulto lokal bon prepará ku e kompetensianan atkirí pa e kuponan nobo por haña un trabou desente.
Kambio ta posibel si tur partner den nos komunidad traha huntu den un forma tri-partite. Si tin konfiansa,
invershonistanan ta invertí i proyektonan ekonómiko por krea kuponan di trabou nobo.
Komo país nos mester traha riba aspektonan manera étika di trabou (work ethics), pero tambe riba un kambio di
e ‘mindset’ di nos pueblo. Produktividat haltu tambe ora no tin supervishon direkto. Nos tasa di produktividat lo
mester ta por lo menos pareu i si por un tiki mas haltu ku islanan den nos serkanía den Karibe, pero pa logra
esaki e gastunan pa biba mester baha di tal forma ku e sueldo mínimo por kubri tur gastu pa biba desente, i no
mester ta asina ku e sueldo mínimo na mes momentu ta sueldo máksimo, pasombra esaki ta kita e gana pa presta
mas tantu.
Sektor di Labor, huntu ku empresarionan i representantenan di plataforma di sindikatonan konhuntamente
mester traha na forma, entrená i prepará e trahadó modèrno akí pa nan tin e kompetensianan nesesario ku e
kuponan di trabou nobo di e proyektonan grandi manera entre otro Hospital Nobo Otrabanda, Mega Pier i/òf
otro proyekto grandi ta eksihí.
Nos hendenan lokal mester ta prepará i e leinan lokal mester ta adaptá pa garantisá ku e trahadornan akí ta
funkshoná den un trabou desente.
Pa logra esaki mester entrená nos trahadornan riba nivel haltu di kalidat, mester informá nan debidamente di nan
derechonan, pero tambe nan debernan relashoná ku leinan laboral, i mester kontrolá tur aspekto di trabou pa nan
traha bou di kondishonnan akseptabel segun regla di ILO (International Labour Organization)
Nos por logra hopi si nos traha duru, traha huntu, i di parti di Gobièrnu nos lo hasi tur loke ta na nos alkanse pa
huntu ku komunidat logra e metanan akí.
Den kuadro di e fecha memorabel aki di 1 di Mei Gobièrnu di Kòrsou ta deseá tur trahadó di Kòrsou un dia di
refleho i sosiego den ambiente di famía.

Hensley F. Koeiman,
Minister di Desaroyo Sosial, Labor iI Bienestar

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.