Karta di parlamentario Curtley Obispo dirigi na Minister di Finansa, señor Kenneth Gijsbertha ku tópiko: Status di kuentanan anual pendiente te ku aña 2017 di instansianan ku ta derivá for di lei.
Minister di Finansa
Señor Kenneth Gijsbertha
Pietermaai #17/Pietermaai 4-4A
Djamars, 9 aprel 2019
Tópiko: Status di kuentanan anual pendiente te ku aña 2017 di instansianan ku ta derivá for di lei.
Apresiabel señor Minister Kenneth Gijsbertha,
Duna kuenta i rason na tempu na Gobièrnu di Kòrsou ta konta tambe pa instansianan ku ta derivá for di lei (“Instellingen voortvloeiende uit de wetgeving”). Den e Rapòrt di Maneho Finansiero (FMR) di Pais Kòrsou di Yanüari 2019 bijlage 6 “Instellingen voortvloeiende uit de wetgeving”, mi a tuma nota ku segun e raportahe aki, ku ainda tin instansianan ku no a entrega nan kuenta anual (“jaarrekening”) te ku aña 2017. E anekso (“bijlage”) 6, mester kontené datonan i sifranan aktualisá te ku aña 2017, kual ta importante pa sa e status aktual di finansa públiko di Pais Kòrsou. Pa asina sa di kada instansia entre otro: (1) kua ta e balorisashon (“intrinsieke waarde”), (2) e relashon finansiero pa ku Pais Kòrsou: sea ta un debe di e instansia na Pais Kòrsou òf ta un debe di Pais Kòrsou na e instansia, (3) e ratio di solvabilidat (“debt ratio”), (4) e ratio di likides (“current ratio”) i (5) e resultado di aña 2017.
A base di mi plan di trabou di kontrol parlamentario i hasiendo uso di mi derecho komo parlamentario pa hasi pregunta konforme artíkulo 96 di Reglamentu di Orden di Parlamento di Kòrsou, m tin e siguiente preguntanan pa Minister:
- Prosedura Bijlage 6 “Instellingen voortvloeiende uit de wetgeving”:
-
- Kua ta e prosedura di Ministerio di Finansa pa produsí i aktualisá e “bijlage” aki?
- Ministerio di Finansa a aserka e instansia nan ku ta derivá for di lei, pa pidi e kuentanan anual pendiente? Si òf No. Dikon si òf no?. Kua tabata e resultado?
- Mi a nota ku for di e rapòrt di Maneho Finansiero di yanüari 2019 (anekso 1) i di desèmber 2014 (anekso 2) ta raporta ku e último kuenta anual di Fondo di Cessantia ta di aña 2009 i e utlimo kuenta anual di Korte Komun di Hustisia i Loteria Noshonal ta di aña 2012. Pues ta mas ku 5 aña ta raportá mesun status pa loke ta e kuenta anual di Fondo di Cessantia, Korte Komun di Hustisia i Loteria Nashonal. P’esei mi tin e siguiente preguntanan:
Fondo di Sesantia:
-
- Kua ta e motibunan konkreto ku Fondo di Sesantia segun e FMR Yanüari 2019 bijlage 6, no a entrega su kuentanan anual audita di añanan 2010 te ku 2017 na Gobièrnu di Kòrsou?
- Ki dia Parlamento di Kòrsou lo risibí di Gobièrnu di Kòrsou e kuentanan anual audita di añanan 2010 te ku 2017 di Fondo di Sesantia?.
Korte Komun di Hustisia
-
- Kua ta e motibunan konkreto ku Korte Komun di Hustisia segun e FMR Yanüari 2019 bijlage 6, no a entrega su kuentanan anual audita di añanan 2013 te ku 2017 na Gobièrnu di Kòrsou?
- Ki dia Parlamento di Kòrsou lo risibí di Gobièrnu di Kòrsou e kuentanan anual audita di añanan 2013 te ku 2017 di Korte Komun di Hustisia?.
Loteria Nashonal
-
- Kua ta e motibunan konkreto ku Loteria Nashonal segun e FMR Yanüari 2019 bijlage 6, no a entrega su kuentanan anual audita di añanan 2013 te ku 2017 na Gobièrnu di Kòrsou?
- Ki dia Parlamento di Kòrsou lo risibí di Gobièrnu di Kòrsou e kuentanan anual audita di añanan 2013 te ku 2017 di Loteria Nashonal?.
- APC Werklieden Pensioenfonds, Bureau Telecommunicatie en Post i Universidat di Kòrsou:
- Kua ta e motibunan konkreto ku APC Werklieden Pensioenfonds segun e FMR Yanüari 2019 bijlage 6, no a entrega su kuentanan anual audita di añanan 2013 te ku 2017 na Gobièrnu di Kòrsou?
- Ki dia Parlamento di Kòrsou lo risibí di Gobièrnu di Kòrsou e kuentanan anual audita di añanan 2013 te ku 2017 di APC Werklieden Pensioenfonds?.
- Kua ta e motibunan konkreto ku Bureau Telecommunicatie en Post segun e FMR Yanüari 2019 bijlage 6, no a entrega su kuentanan anual audita di aña 2017 na Gobièrnu di Kòrsou?
- Ki dia Parlamento di Kòrsou lo risibí di Gobièrnu di Kòrsou e kuentanan anual audita di aña 2017 di Bureau Telecommunicatie en Post?.
- Kua ta e motibunan konkreto ku Universidat di Kòrsou segun e FMR Yanüari 2019 bijlage 6, no a entrega su kuentanan anual audita di añanan 2014 te ku 2017 na Gobièrnu di Kòrsou?
- Ki dia Parlamento di Kòrsou lo risibí di Gobièrnu di Kòrsou e kuentanan anual audita di añanan 2014 di 2017 di Universidat di Kòrsou?.
- Kua ta e motibunan ku te ainda ta raportá apart, e fondonan di FZOG ku último kuenta anual 2012 i AVBZ ku último kuenta anual 2011l, riba e Bijlage 6 di FMR Yanüari 2019?
Atentamente,
Curtley Obispo
Parlamentario pa Kòrsou
PAR
Anekso:
- Rapòrt di Maneho Finansiero (FMR) Yanüari 2019, bijlage 6.
- Rapòrt di Maneho Finansiero (FMR) Desèmber 2014, bijlage 6.
