Minister Suzy Camelia Römer ta sigui pusha!    

 

Minister Suzy Camelia Römer ta sigui pusha!     

 

WILLEMSTAD- Ku orguyo Minister di Salu, Medioambiente i Naturalesa Suzy Camelia-Römer ta inougurá ofisialmente diferente proyekto piloto na Uitvoeringsorganisatie Agrarisch en Visserij Beheer na Klein Kwartier pa pueblo di Kòrsou. 

Den estrecho koperashon ku Universidad de La Guajira di Colombia, e departamentu di servisionan agrario (AVB), a traha duru pa por yega na kulminashon di e instalashonnan. E intenshon básiko di e proyektonan aki ta pa fungi komo modelo i instrumento di enseñansa pa pueblo di Kòrsou i spesialmente agrikultornan por haña konosementu riba diferente téknikanan moderno. Parti di e proyektonan aki ta “Kunukito sin suelo” ku ta agrikultura hidropóniko, esta ku ta planta ku awa sin hasi uso di tera. 

Tambe e Minister a inougurá e proyekto di lombri-kultura ku ta e téknika ku ta usa bichi pa krea kòmpòst i e instalashon ku ta produsí “Forraje Verde” ku ta kuminda pa animal. Pronto AVB lo publiká fecha nan ku públiko por pasa i bishita tur e instalashonnan.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: