KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

Rennox Calmes ta gradisí pueblo pa a sostené e partido Trabou Pa Kòrsou (TPK)

Rennox Calmes ta gradisí pueblo pa a sostené e partido Trabou Pa Kòrsou (TPK)

Parlamentario independiente i lider politiko pa partido Trabou Pa Kòrsou, Rennox Calmes, ta gradisí tur 2216 persona ku a sostené TPK durante e wikènt krusial di sostenementu di lista di 30 i 31 di yanüari 2021. Sr. Calmes ta sumamente gradisido pa e hecho ku pueblo a rekonosé e trabounan duru ku Rennox i TPK a bin ta hasi. TPK sigur ta hopi visibel den barionan rònt Kòrsou i habitantenan ta apriesiá esaki mashá. 

“Ta importante pa sinti e dolor di e pueblo, skucha kiko nan tin di bisa, komo representante di pueblo esaki ta sumamente importante, pa despues bini ku programa i proyektonan duradero ku lo benefisiá e pueblo”, Calmes ta splika. Calmes ta splika ku ahinda no tin nada di selebrá i ku awor e trabou duru ta bai kuminsá pa kana yega 19 di mart 2021.

Tambe Calmes ta splika ku TPK lo sòru di keda visibel den bario ku programanan ku lo trata temanan spesífiko spesialmente pa pueblo. Calmes ta pidi komunidat pa keda pendiente pa esaki. 

639114718427035"
639114718427035"