Ban Vota pa Artenan di klientenan di Sentro di detenshon i korekshon Kòrsou.

Ban Vota pa Artenan di klientenan di Sentro di detenshon i korekshon Kòrsou.

Kòrsou, 16 desèmber 2021
WILLEMSTAD- Den kuadro pa duna Kòrsou i prizòn un push pa bai dilanti,
klientenan di SDKK a partisipá na e proyekto yama Arka di Noe. E Proyekto aki ta
bou di kordinashon di personal di prizòn i tambe e organisashon Prison Fellowship
Curaçao. E meta di e proyekto aki ta ku klientenan di tur blòk den prizòn mester a
pinta un arte di Arka di Noe riba kanvas, trahando huntu den ekipo segun
kriterionan stipulá. For di dia 16 te ku 23 di desèmber 2021 e link pa vota lo ta
disponibel pa komunidat kompleto por skohe e arte mas impreshonante. E Arka di
Noe ku mas voto lo risibí un premio.
Pa mas informashon por bishita nos facebookpage : SDKK sentro di detenshon i
korekshon Kòrsou i vota na e link: https://sdkk.info/
Pa esei laga nos huntu komo komunidat di Kòrsou subi e Arka ku lo hiba nos den e
direkshon positivo.