PROMÉ MINISTER GILMAR PISAS A HIBA UN  KOMBERSASHON KU PRESIDENTE DI COSTA RICA 

Willemstad – Promé Minister Gilmar Pisas a haña oportunidat pa hiba un komberashon ku Presidente di Costa Rica sr. Rodrigo Chaves Robles dia 8 di mei 2022.

E Minister di Relashonnan Eksterior sr. Arnoldo André tambe tabata presente.

 

Durante di e kombersashon aki Presidente sr. Chaves Robles a puntra Promé Minister sr. Pisas kon Kòrsou i Costa Rica por sirbi otro manera tabata e kaso den pasado.

Promé Minister sr. Pisas a splika ku tin un tratado entre Costa Rica i Hulanda kual ta pone ku por tin koperashon ku otro riba diferente área, manera e.o. Duana.

 

Promé Minister sr. Pisas a duna un spikashon amplio pa ku e forma ku ta tratando pa kombatí droga ku sosten di Huanda i Merka, e uso di drone nan, scanner i kua ta e sosten ku por risibí di parti di Hulanda pa ku e parti finansiero riba e áreanan aki.

Presidente sr. Chaves Robles a indiká ku e lo dirigí un karta na Rey Willem Alexander i Promé Minister Mark Rutte pa pidi e tipo di yudansa aki.

Embahador di Reino na Costa Rica sra. Christine Pirenne a splika ku Hulanda ta kompreté su mes pa kumpli ku esaki.

 

Tambe Presidente sr. Chaves Robles ta pidi pa mas pronto ku ta posibel tin un akuerdo di koperashon firmá entre e Kòrsou i Costa Rica.

 

Durante di e interkambió aki Promé Minister sr. Pisas a hasi entrega tambe di e kartanan di parti di Rei Willem Alexander i Promé Minister sr. Mark Rutte na Presidente sr. Chaves Robles.

 

E kombersashon a bai den un ambiente hopi ameno kaminda Promé Minister sr. Pisas i Presidente sr. Chaves Robles por a interkambiá riba diferente punto di interes komun pa ambos pais.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: