Drag Racing Association Curaçao (DRAC) ta lamentá pèrdida di e hoben amante di motorsport Fabian Lourens.

Willemstad‐ Na promé lugá Drag Racing Association Curaçao (DRAC) ta lamentá pèrdida di e hoben
amante di motorsport Fabian Lourens ku di un manera tragiko a bai laga nos. DRAC ta deseá famia i
konosínan hopi forsa den e momentu difisil aki i ku su alma sosegá na pas.
DRAC ta haña ta oportuno pa trese klaridat riba un punto delikado. Den media i riba retnan sosial a
ser informá ku ta na “drag race” e aksidente ku konsekuensia fatal a tuma lugá. Sinembargo, esaki
no ta kuadra ku realidat. Echo ta ku e lokalidat di evento esta Curacao International Raceway, den
boka di pueblo “Pista di Ronde Klip”, ta e sitio kaminda DRAC sa organisá karedanan ofisial di Drag
Race. Pero ta un lokalidat kaminda un i tur ku ta deseá di organisá un evento outomobilistiko, por
hasi esaki por medio di hür e pista i su fasilidatnan.
Pues obviamente e evento ariba menshoná ku e aksidente tragiko no tin nada di haber ku DRAC ni e
deporte di Drag Race.
DRAC ta haña importante pa trese e klaridat aki, pasombra DRAC i su miembronan ta luchando ku
alma i kurpa pa lanta e deporte di Drag Race bèk na Kòrsou i ta lamentá ku sierto medio ta “label” e
suseso lamentabel ku e deporte di Drag Race. DRAC semper a para pa seguridat di su koredónan,
miembronan di safety safari i naturalmente e publiko ku ta asistí na karedanan.
E deporte di velosidat tin su risikonan, pero nos tarea semper bai ta pa minimalisá risikonan lo mas
posibel pa asina nos praktiká nos deporte stimá na un manera responsabel i sigur.
Forsa un bes mas na famianan i laga nos tur kuida otro.