Parlamento di Kòrsou a kontinuá deliberashon ku Minister di Desaroyo Ekonómiko, Gerensia di Damen Shiprepair Curaçao i Gerensia di CDM Holding N.V. enkuanto e último desaroyonan na Damen Shiprepair Curaçao.

E reunion a kuminsá 14 di mart 2023 i a sigui awe ku kontestanan di minister sr. Cijntje riba e diferente preguntanan ku e titular a haña den e promé tanda dor di miembronan di Parlamento. Alabes tabatin diferente pregunta relashoná ku aspektonan di labor den promé tanda, ku ta Minister di Desaroyo Sosial, Labor i Bienestar lo por duna kontesta riba dje. Tambe Parlamento a bai di akuerdo ku un proposishon di òrdu pa haña “inzage” riba e konseshon ku Damen.

Pendiente e diferente informashonnan aki, Presidente di Parlamento sra. Charetti America-Francisca a skòrs e reunion te un próksimo aviso.