Miss Universe 2024 Victoria Kjaer Theilvig di bishita na Kòrsou / Miss Universe 2024 Victoria Kjaer Theilvig visits Curaçao
Miss Universe 2024 Victoria Kjaer Theilvig di bishita na Kòrsou
WILLEMSTAD – 5 di yüni 2025 – Miss Universe 2024, Victoria Kjaer Theilvig a yega Kòrsou! Kòrsou ta e promé pais den Karibe ku Miss Universe 2024 ta bishitá komo parti di e Miss Universe Global Tour organisá pa Miss Universe Organization. Pa selebrá e momentu grandi aki, Ofisina di Turismo di Kòrsou (CTB) den estrecho kolaborashon ku Curaçao Beauty Pageant Committee a organisá un resepshon di Bon Biní pa Miss Universe 2024. E resepshon a konta ku palabranan di bon biní di Minister di Desaroyo Ekonómiko, sr. Charles Cooper i direktor di CTB, sr. Muryad di Bruin. Durante e resepshon, Minister Cooper a entregá Miss Universe 2024, Victoria Kjaer Theilvig un bunita kuadro di artista lokal Deidre
Polonius kual ta duna un impreshon artístiko di Miss Universe 2024 pará riba nos Brùg Emma atmirando nos kolorido Handelskade.
Komo parti di e bishita, CTB a hinka un programa spesial den otro pa e dianan ku Miss Universe 2024 lo ta na Kòrsou pa asina e por eksperensiá nos bunita isla, purba nos kushina krioyo i topa nos hendenan lokal. E programa ta inkluí entre otro, un tour den e área históriko di Punda, kana bai saka potrèt na e Curaçao sign bou di ritmo di brass band kompañá pa personanan den trahe di Karnaval. Tambe e lo bishitá Kas di Pal’i Maishi pa haña un eksperensiá outéntiko di Kòrsou su herensia kultural. Mas aleu e lo bai sera konosí ku nos bida bou di laman vibrante ku ta rondoná nos isla. Un momentu spesial den e programa lo ta e bishita ku Miss Universe 2024 lo bai hasi serka e muchanan na Ronald McDonald House Charities Curaçao Foundation pa entrega regalo.
Pa klousurá e bishita na Kòrsou, Miss Universe 2024, Victoria Kjaer Theilvig lo ta djasabra awor invitado di honor na e sertámen di Miss Universe Curaçao 2025. Sigui e plataformanan digital di CTB pa tuma nota di tur e momentunan spesial di e bishita di Miss Universe 2024 na Kòrsou.
Miss Universe 2024 Victoria Kjaer Theilvig visits Curaçao
WILLEMSTAD – June 5, 2025 – Miss Universe 2024, Victoria Kjaer Theilvig is visiting Curaçao! Curaçao is the first country in the Caribbean to be visited by Miss Universe 2024 as part of the official Miss Universe Global Tour organized by the Miss Universe Organization. To celebrate this special moment, Curaçao Tourist Board (CTB) in close collaboration with Curaçao Beauty Pageant Committee, organized a Welcome Reception for Miss Universe 2024. The reception included welcome remarks from the Minister of Economic Development, Mr. Charles Cooper and CTB Managing Director, Mr. Muryad de Bruin. During the reception, Minister Cooper presented Miss Universe 2024, Victoria Kjaer Theilvig, with a beautiful painting by local artist Deidre Polonius, showcasing an artistic impression of Miss Universe 2024 standing on the Queen Emma Floating Bridge admiring our colorful Handelskade.
As part of her visit, CTB arranged a special program for the days Miss Universe 2024 will be in Curaçao, allowing her to experience our beautiful island, taste our local cuisine, and engage with the local community. The program includes, among other activities, a tour of the historic Punda district, and a festive walk to the Curaçao sign together with a brass band and people dressed in Carnival costumes, where photos will be taken. She will also visit Kas di Pal’i Maishi for an authentic experience of Curaçao’s cultural heritage. In addition, she will dive into the vibrant underwater world that surrounds our island. A special moment in the program will be Miss Universe 2024’s visit to the children at the Ronald McDonald House Charities Curaçao Foundation to deliver gifts.
To conclude her visit to Curaçao, Miss Universe 2024, Victoria Kjaer Theilvig, will be the guest of honor at the Miss Universe Curaçao 2025 pageant, which will take place this Saturday. Follow us on all our social platforms for exclusive content from Miss Universe 2024’s exciting journey through Curaçao.
