Bishita di Amsterdamse Hogeschool der Kunsten na DCA
Bishita di Amsterdamse Hogeschool der Kunsten na DCA
ORANJESTAD – Den marco di un colaboracion educacional y cultural den Reino Hulandes, e Director di Departamento di Cultura Aruba (DCA), drs. Siegfried Dumfries, a ricibi un delegacion di Amsterdamse Hogeschool der Kunsten (AHK).
E bishita ta relaciona cu e proceso pa, hunto cu e islanan ABC y SSS, introduci un Verkorte Theater Docentenopleiding op Maat, un formacion adapta pa docentenan di teatro.
Durante e siman aki, ta tuma luga workshopnan na Aruba cu participantenan di tur parti di Reino. E resultadonan (“outcomes”) di e sesionan lo sirbi como base pa duna contenido na e opleiding op maat (formacion adapta).
E bishita ta forma parti di e maneho di 4LO – Onderwijs, Cultuur y Wetenschappen, cu ta traha pa fortifica e lasonan educacional y cultural den region.
Segun DCA, a trata di un encuentro productivo y inspirante, cu ta contribui na e desaroyo continuo di e sector creativo y educacional di Aruba.
E delegacion di Amsterdamse Hogeschool der Kunsten tabata forma pa Dennis Meyer, Corina Lok, Saundra Williams y Amy Lasten.
