Koperashon KPC i RST
Sospechosonan den investigashon di robo di droga for di warda di polis den òktober 2018 ta keda den aresto preventivo

Koperashon KPC i RST
Sospechosonan den investigashon di robo di droga for di warda di polis den òktober 2018 ta keda den aresto preventivo

Willemstad – Awe, djárason 6 di aprel 2022 tabatin e promé seshon den Korte di Promé Instansia relashoná ku Inex 2.0, e investigashon di robo di droga for di warda di polis di Rio Canario.

Durante di e seshon aki, Ministerio Públiko a duna di konosé ku durante di e investigashon, te na e momentu aki ocho (8) sospechoso a keda detené di kual sinku (5) di nan ta den aresto preventivo ainda. Dos (2) sospechoso, unu di nan un èks agente polisial, ta wòrdu sospechá di tin un ròl den ehekushon di e robo. E otro sospechosonan ta wòrdu sospechá di ta involukrá den benta di e droga ku a keda hòrtá.

Riba petishon di Ministerio Públiko, Korte a skòrs tratamentu di e kaso di awe i suspendé te ku 8 di yüni pa motibu ku e investigashon ainda no a kaba. Dia 8 di yüni lo tin un asina yamá ‘regiezitting’ na momentu ku defensa lo hasi petishon di nan deseonan pa ku e investigashon. Ta planeá ku e kaso lo keda tratá den kontenido den luna di ougùstùs.

Share this page to Telegram

This site uses Akismet to reduce spam. Learn how your comment data is processed.

%d bloggers like this: