AQUALECTRA TA BENDE SU ADORNONAN DI ‘PASKU-FIESTA DI LUS’ PA TRAHA LUGÁ PA E SIGUIENTE GENERASHON DI ADORNO DI FIN DI AÑA PA KÒRSOU

Willemstad 30 di Mei 2022- Adorno di nos sentro di siudat i vários area públiko rònt Kòrsou ta parti di nos ambiente ku ta hasi nos pueblo su fin di aña unu speshal i típiko di nos. Aqualectra for di inisio a kontribuí na e ambiente aki dor di pone e ophetonan di adorno i iluminashon speshal den e sentro di siudat i den areanan hopi trafiká. Awor a yega momento pa krea e siguiente generashon di adorno di Kòrsou pa fin di aña.

Pa por traha lugá pa esaki, riba dia 4 di Yüni próksimo Aqualectra ta tene un benta públiko di tur e ophetonan ku a keda usá, durante di e añanan tras di lomba, pa dòrna nos siudat i areanan públiko. 

Esnan interesá por mira e ophetonan riba e mesun djasabra 4 di Yüni entre 9’or di mainta pa 3’or di atardi na lots BV3 na Parke Industrial na Brievengat.  E benta ta tuma lugá di 3’or pa 4’or di atardi na e sitio menshoná. Benta ta bai na esun ku hasi e mihó oferta. Pa mas informashon por tuma kontakto ku Señor T. Ignetia na telefòn 515-5908 òf e-mail t.ignetia@aqualectra.com.

Aqualectra lo bende un gran kantidat di opheto manera e Papa Paskunan grandi, e binánan, robòt, pòpchinan di  sneu, padelstulnan, palunan di Pasku, e adornonan pa pone den palu di lus i tambe e lusnan estilo ‘ropelights’. E adornonan lo ta repartí riba parsela i esnan interesá lo por hasi oferta pa kada parsela individual.  Abase di e ofertanan ku drenta, Aqualectra lo evaluá na ken ta bende artíkulonan den e parsela spesífiko.  E persona òf kompania tin 5 dia pa hasi pago na Aqualectra.

Miéntras tantu Aqualectra a kuminsá hasi e trabounan preparatorio pa traha e siguiente generashon di adorno pa nos sentro di siudat i algun area públiko kaminda tin hopi trafikashon. Aqualectra ta spera pa atrabes di e proyekto aki tambe kontribuí na nos bienestar.

 

 

 

This site uses Akismet to reduce spam. Learn how your comment data is processed.

%d bloggers like this: