KATEGORIA U-17 I U-20 TAMBE A KONOSÉ SU EKIPONAN KAMPION I SUPKAMPION WIKÈNT ÚLTIMO DEN STADION RIGNAAL ‘JEAN’ FRANCISCA!

KATEGORIA U-17 I U-20 TAMBE A KONOSÉ SU EKIPONAN KAMPION I SUPKAMPION WIKÈNT ÚLTIMO DEN STADION RIGNAAL ‘JEAN’ FRANCISCA!

 

 

E delaster 2 kategorianan di Kampionato Hubenil a konosé su ekiponan kampion i supkampion ora e partidonan di kategoria U-17 i U-20 a finalisá. Stadion Rignaal ‘Jean’ Francisca tabata kolmá ku fanátiko ku a disfrutá di 2 tremendo partido yená ku emoshon riba djasabra atardi bai kue anochi ora e finalnan di kategoria U-17 ku U-20 a tuma lugá.

Komishon Hubenil por ta satisfecho pa e temporada tras di lomba, ku a transkurí ku algun partido final sumamente interesante. Un gran públiko tur wikènt di nobo a sali nan kas pa apoyá i sostené nan ekipo preferí i disfrutá di algun tremendo partidonan final di futbòl hubenil.

Un bes mas Komishon Hubenil ta gradisí tur hungadó, dirigente, rèfrinan, mayornan, boluntarionan i tur ku di un manera òf otro a duna un man pa e kategorianan aki tambe tabata eksitoso. Tur kategoria di e temporada aki a konosé su ekiponan kampion i supkamion ku esepshon di kategoria U-13 liga 1 ku lamentablemente no a mira akshon debí na un protesta. Asina e desishon bira konosí, nos lo reprogramá e partido aki pa nos finalisá e Kampionato Hubenil 22-23.

 

E siguiente ekiponan a titulá kampion durante e partidonan final di U-17 ku U-20;

 

U-17: Subt

U-20: Undeba

 

Resultado partidonan final;

 

24 yüni 2023
Stadion	Kategoria	Tim 1	v/s	Tim 2	U-17	U-20
RJF	Wega final U17	SUBT	v/s	VESTA	3-1	–
RJF	Wega final U20	UNDEBA	v/s	VESTA	–	2-0

 

Subt U-17 a sa di defendé su título i a sali kampion un biaha mas, ganando di Vesta ku 2 gol anotá pa David Lucimi Araujo i un outogol miéntras Vesta su gol a keda anotá pa Gilian Justiana. Gediël Vicento ku Joshmar Fundador a anotá e golnan ku a laga Undeba U-20 bai ku e viktoria i ripití su título di kampion, invikto.

Komishon Hubenil ta felisitá e ekiponan ku a sali kampion pa di 2 aña konsekutivo pero tambe e ekipo di Vesta ku a sali supkampion djasabra último durante e gran finalnan di Kampionato Hubenil kategoria U-17 ku U-20.

Masha pabien i sigui ku e bon trabou!

 

26 yüni 2023