Shop, spin, kolektá i gana premionan fabuloso manera un Toyota Yaris Holiday Spin: un era nobo pa gana ku Fun Miles

 

Shop, spin, kolektá i gana premionan fabuloso manera un Toyota Yaris

Holiday Spin: un era nobo pa gana ku Fun Miles

 

Willemstad: E emoshon di fin di aña ta bèk! Fun Miles i su partnernan ta presentá Holiday Spin, un kampaña festivo yená ku premionan grandi. Miembronan por hunga fásilmente den e Fun Miles App pa gana diferente premionan manera un Toyota Yaris Sedan, un sèt di kadena ku renchi di orea di diamante i oro blanku, un biahe pa Colombia i hopi mas. E kampaña ta dura di 3 di novèmber 2025 te ku 5 di yanüari 2026.

 

Holiday Spin ta marka un momento importante pa Fun Miles. Despues di kolektá i forma bòrchinan di wega di papel pa dékadanan, e aña aki e kampaña ta kompletamente digital. E wega a evolushoná, awor e ta mas rápido i mas fásil pa hunga den e Fun Miles App.

 

Kon pa partisipá na Holiday Spin

Miembronan ta risibí un partisipashon, kemen un ‘PLAY’ kada bes ku kumpra i skèn e Fun Miles App na e partnernan ku ta partisipá. Kada un ‘PLAY’ ta duna e miembro un chèns pa drai e wil digital di Fun Miles den e app. Riba e wil tin premionan instantáneo i tambe balanan di pasku di e partnernan prinsipal pa kolektá.

 

E premionan instantáneo ta konsistí di ‘voucher’ ku deskuento, Fun Miles èkstra, estadia pa fin di siman, èiskrim grátis i hopi mas.

 

Riba e balanan di pasku tin logo di e partnernan prinsipal di e kampaña: MCB, Van den Tweel Supermarket, ENNIA i Kooyman. Kolektá tur kuater bala di pasku pa kompletá un tiket digital den e sorteo grandi. Mas tiket bo kompletá, mas chèns pa gana e premio grandi.

 

Oumentá bo chèns!

E aña aki tin mas manera pa gana ‘PLAYS’. Fun Miles lo introdusí un funshonalidat nobo ku ta ‘STREAKS’. ‘Streaks’ ta pèrmitíbo gana partisipashon solamente si bo bishitá e app di Fun Miles tur dia, pa sinku dia konsekutivo. Miembronan por risibí ‘PLAYS’ tambe na momento ku bishitá e ‘Holiday Spin Roadshows’ na e partnernan partisipante òf interkambiá aktivamente ku Fun Miles riba medionan sosial.

 

E premionan grandi

Kada partisipashon ta hiba bo mas serka di e premionan grandi i fabuloso, manera:

• Un Toyota Yaris Sedan di Garage Cordia ku un aña di Seguro di Outo di ENNIA i XCG 500,- di gasolin
• Un sèt di kadena ku renchi di orea di diamante i oro blanku di Freeport Jewelers
• Un biahe pa Colombia ku eksperensia di kòfi di Mau Asam Travel
• Un aña di kompra grátis di Van den Tweel Supermarket
• Dos biahá 100,000 Fun Miles di MCB
• Un bale di biahe di TUI na balor di XCG 2000,-
• Un bale di kompra di Kooyman di XCG 1800,-

 

Partisipá den e Fun Miles app

Holiday Spin ta disponibel únikamente den e app di Fun Miles ku ta grátis. Miembronan por mira tur nan ‘PLAYS’, balanan di pasku, ‘voucher’ i premionan kolektá den un aplikashon. Miembronan nobo por registrá den algun minüt i partisipá mesora. E app ta disponibel den App Store i Google Play.

 

Tokante Fun Miles

Fun Miles ta áktivo mas ku 25 aña i ta un programa popular na sinku diferente isla den Karibe. Miembronan ta spar Fun Miles na nan kompaníanan faborito, troka Fun Miles pa produkto òf servisio grátis i disfrutá di deskuento, ofertanan spesial i kampañanan ku premionan fantástiko.

 

Partnernan di Holiday Spin

Kooyman, ENNIA, Van den Tweel Supermarket, MCB, Garage Cordia, Freeport Jewelers, Mau-Asam Travel, TUI, Super Retail, Avila Beach Hotel, Changes Group, Baskin Robbins, Bob Autowas, MyMalls, The Movies, Dreams Curaçao, C Post, Betonindustrie Brievengat, Children’s Museum, Pirate Bay, Que Tapa, Tomatoes, 8 The Experience, Mirasoon, Jewish Museum and FLOW. 

 

Pa mas informashon

Bishitá funmiles.com, sigui Fun Miles riba Facebook, Instagram, YouTube i TikTok òf tuma kontakto via di WhatsApp na +599 9 560 3300.