Minister di Hustisia ta tuma medida temporal di visa pa motibu di outbreak di Ebola – Minister van Justitie treft tijdelijke visummaatregel vanwege ebola-uitbraak

Willemstad, 7 di yüni 2026, – Minister di Hustisia a disidí temporalmente no emití Visa Karibense na aplikantenan for di paisnan ku pa outoridatnan internashonal i nashonal kompetente a wòrdu identifiká komo área di haltu riesgo relashoná ku e outbreak aktual di Ébola.

Motibu di e medida ta e situashon di emergensia internashonal den kuido di salú públiko deklará pa Organisashon Mundial di Salú (WHO). Apesar ku na momentu aki no tin kaso di Ébola konfirmá na Kòrsou, gobièrnu ta konsiderá ku ta nesesario pa aktua na tempu i di manera responsabel komo medida preventivo pa protehá salú públiko.

E desishon a ser tuma den kuadro di e Lei Rijksvisumwet, ku ta permití rechasá petishonnan di visa si tin riesgo pa salú públiko. E proseso di evaluashon i emitimentu di Visa Karibense ta tuma lugá via representashonnan diplomátiko Hulandes ku ta enkargá ku ehekushon di e maneho di visa pa e region Karibense.

E medida temporal ta apliká, entre otro, na petishonnan di visa for di Repúblika Demokrátiko di Congo, Uganda, Ruanda, Tanzania, Angola i Sudan di Sur. E lista di paisnan involukrá por ser adaptá si e situashon epidemiológiko kambia òf si nobo konseho di organisashonnan internashonal di salú duna motibu pa hasi esaki.

Promé ku tuma e desishon, a tin koordinashon ku Ministerio di Salubridat, Medio Ambiente i Naturalesa (GMN). Ademas, e outoridatnan involukrá ta mantené kontakto estrecho ku partnernan internashonal i instansianan di salú pa sigui e desaroyonan relashoná ku e outbreak. Basá riba análisis aktual di riesgo, lo evaluá si tin mester di implementá medidanan adishonal òf flexibilisá e medidanan eksistente.

Minister di Hustisia, mr. Shalten Hato, a deklará: “Esaki ta un medida preventivo. Na momentu aki no tin kaso di Ébola na Kòrsou, pero gobièrnu ta mira komo nesesario pa aktua na tempu i di manera responsabel pa protehá salú públiko. Seguridat i salú di nos poblashon ta bini promé.”

Protekshon di e poblashon di Kòrsou ta un prioridat pa gobièrnu. Mediante akshon preventivo, gobièrnu ke limitá tantu ku ta posibel e riesgo di introdukshon i propagashon di enfermedatnan infeksioso serio. Ora e situashon epidemiológiko permití, lo evaluá si e medida por ser adaptá òf eliminá.

Fin di komunikado

 

 

---

 

 

Willemstad, 7 juni 2026 – De Minister van Justitie heeft besloten tijdelijk geen Caribische visa te laten afgeven aan aanvragers afkomstig uit landen die door de bevoegde internationale en nationale autoriteiten zijn aangemerkt als hoogrisicogebieden in verband met de huidige ebola-uitbraak.

Aanleiding voor de maatregel is de door de Wereldgezondheidsorganisatie (WHO) afgekondigde internationale noodsituatie op het gebied van de volksgezondheid. Hoewel er momenteel geen gevallen van ebola op Curaçao zijn vastgesteld, acht de regering het noodzakelijk om uit voorzorg tijdig en verantwoord op te treden ter bescherming van de volksgezondheid.

De beslissing is genomen binnen het kader van de Rijksvisumwet, die de mogelijkheid biedt om visumaanvragen te weigeren indien sprake is van een risico voor de volksgezondheid. De behandeling en afgifte van Caribische visa geschiedt via de Nederlandse diplomatieke vertegenwoordigingen die belast zijn met de uitvoering van het Caribisch visumbeleid.

De tijdelijke maatregel heeft betrekking op visumaanvragen afkomstig uit onder meer de Democratische Republiek Congo, Oeganda, Rwanda, Tanzania, Angola en Zuid-Soedan. De lijst van betrokken landen kan worden aangepast indien de epidemiologische situatie verandert of indien nieuwe adviezen van bevoegde internationale gezondheidsorganisaties daartoe aanleiding geven.

Bij het besluit is afstemming gezocht met het Ministerie van Gezondheid, Milieu en Natuur (GMN). Daarnaast onderhouden de betrokken autoriteiten nauw contact met internationale partners en gezondheidsinstanties om ontwikkelingen rondom de uitbraak op de voet te volgen. Op basis van actuele risicoanalyses zal worden beoordeeld of aanvullende maatregelen noodzakelijk zijn of dat bestaande maatregelen kunnen worden versoepeld.

Minister van Justitie mr. Shalten Hato verklaart: “Het betreft een voorzorgsmaatregel. Op dit moment zijn er geen gevallen van ebola op Curaçao, maar de regering acht het noodzakelijk om tijdig en verantwoord te handelen ter bescherming van de volksgezondheid. De veiligheid en gezondheid van onze bevolking staan daarbij voorop.”

De bescherming van de bevolking van Curaçao staat voor de regering centraal. Door preventief op te treden wil de regering de risico’s op introductie en verspreiding van ernstige infectieziekten zoveel mogelijk beperken. Zodra de epidemiologische situatie dit toelaat, zal worden bezien of de maatregel kan worden aangepast of opgeheven.

[EINDE PERSBERICHT]